رسالة مؤثرة و منقولة من احد الزملاء الى وزير الداخلية السيد على العريض...
يا سي علي العريض، يا وزيرنا، إسمعها مني نصيحة من القلب صافية خالصة
وثمينة ما تسمعهاش حتى من أقرب الناس ليك، إنت راجل تخاف بربي، وتؤمن
بالقضاء والقدر، وتعرف مليح إنو راهو لا النهضة، ولا الترويكا، ولا
الإنتخابات، ولا الشعب هوما إلي وصلوك باش وليت وزير الداخلية، وإنما
المولى عز وجل وحدو هو إلي قدرلك إنك تكون في البلاصة هاذي، وما تشاؤون إلا
أن يشاء الله رب العالمين، وسبحانو كيف قدرلك باش تكون على رأس وزارتنا،
موش باش يردلك إعتبارك ويجازيك على صبرك على الظلم إلي عشتو سنوات وما
تخليتش على عقيدتك، وإنما يختبر فيك، يمتحن فيك، سبحانو مكنك من السلطة باش
يختبر كيفاش باش تتصرف فيها، كيما إختبر إلي قبلك، وحملك مسؤولية آلآف من
الأعوان الكادحين الزواولة البسطاء، أمانة كبيرة وثقيلة،إنت ليوم مسؤول
عليهم ماديا وأدبيا، وإذا كان الشعب التونسي تظلم في عهد المخلوع، فأعوان
الأمن مظلومين من عهد بورقيبة، الفقر، والكرفي، والإهانة، والطرد وإلا
العزل وإلا السجن لكل واحد يقول " حسبنا
الله نعم الوكيل "، يعني الناس هاذم ليوم يستناو فيك باش تنصفهم وتكون عادل
معاهم وترفع عليهم نصف قرن من المظالم، باش ما نبالغوش ونقولو نصف قرن من
الجرائم ضد الإنسانية المرتكبة ضدهم، لو كان سيادتك تدخل لديارهم وتشوف
أثاثهم، وتشوف ماكلتهم، ووتشوف عايلاتهم وزوجاتهم وصغارهم كيفاش يعيشو
ليوم، لو كان تعرف نسبة المرضى منهم بالسكر وضغط الدم والقلب وآنسداد
العروق وووووووووووو، راهو والله العظيم كارثة بالحق، غير الناس هاذم
قلوبهم مليانة بالإيمان، وتاركين مصيرهم على ربي، ويخدمو ويضحكو باش ينساو
مآسيهم، راهو المخلوع هرب من بعد ما خرب المؤسسة الأمنية وخلاها جبانة ينعق
فيها البوم، يعني يا سي علي العريض، إنت راك موش مسؤول على الأعوان بركة،
وإنما مسؤول على عايلاتهم كذلك، يعني حتى من غير ما تطلب النقابات الأمنية،
كل مساعدة للأعوان تجي على إيديك، كل خير يجي على إيديك، كل مريض يلقى
فلوس دواه على إيديك، كل واحد يروح برطل لحم لأولادو على إيديك، كل واحد
يشري دبش العيد وإلا علوش العيد ويفرح صغارو على إيديك، باش يدعيلك هو
وزوجتو وأولادو بالخير، سيادتك باش يجي نهار وتمشي على روحك، كيما نحنا باش
يجي نهار ونمشيو على رواحنا وهذا هو حال الدنيا، باش تبقى الناس ترحم على
والديك سنوات وسنوات، آش خير للواحد من ناس ترحملو على والديه وتدعيلو
بالخير وهو غايب، تي حتى سيدنا محمد صلى الله عليه وسلم يقول " أعطوا
الأجير حقه قبل أن يجف عرقه "، وإنت راجل متدين وتعرف هذا أكثر منا،
الأمنيين يا سي علي ناس يراو بالخير ويعطيو كار العشرة، جرب مدلهم إيديك تو
تشوف بعينيك، إنت جرب ما تخسر شيء.
الموقع الرسمي للحماية المدنية التونسية
يا سي علي العريض، يا وزيرنا، إسمعها مني نصيحة من القلب صافية خالصة
وثمينة ما تسمعهاش حتى من أقرب الناس ليك، إنت راجل تخاف بربي، وتؤمن
بالقضاء والقدر، وتعرف مليح إنو راهو لا النهضة، ولا الترويكا، ولا
الإنتخابات، ولا الشعب هوما إلي وصلوك باش وليت وزير الداخلية، وإنما
المولى عز وجل وحدو هو إلي قدرلك إنك تكون في البلاصة هاذي، وما تشاؤون إلا
أن يشاء الله رب العالمين، وسبحانو كيف قدرلك باش تكون على رأس وزارتنا،
موش باش يردلك إعتبارك ويجازيك على صبرك على الظلم إلي عشتو سنوات وما
تخليتش على عقيدتك، وإنما يختبر فيك، يمتحن فيك، سبحانو مكنك من السلطة باش
يختبر كيفاش باش تتصرف فيها، كيما إختبر إلي قبلك، وحملك مسؤولية آلآف من
الأعوان الكادحين الزواولة البسطاء، أمانة كبيرة وثقيلة،إنت ليوم مسؤول
عليهم ماديا وأدبيا، وإذا كان الشعب التونسي تظلم في عهد المخلوع، فأعوان
الأمن مظلومين من عهد بورقيبة، الفقر، والكرفي، والإهانة، والطرد وإلا
العزل وإلا السجن لكل واحد يقول " حسبنا
الله نعم الوكيل "، يعني الناس هاذم ليوم يستناو فيك باش تنصفهم وتكون عادل
معاهم وترفع عليهم نصف قرن من المظالم، باش ما نبالغوش ونقولو نصف قرن من
الجرائم ضد الإنسانية المرتكبة ضدهم، لو كان سيادتك تدخل لديارهم وتشوف
أثاثهم، وتشوف ماكلتهم، ووتشوف عايلاتهم وزوجاتهم وصغارهم كيفاش يعيشو
ليوم، لو كان تعرف نسبة المرضى منهم بالسكر وضغط الدم والقلب وآنسداد
العروق وووووووووووو، راهو والله العظيم كارثة بالحق، غير الناس هاذم
قلوبهم مليانة بالإيمان، وتاركين مصيرهم على ربي، ويخدمو ويضحكو باش ينساو
مآسيهم، راهو المخلوع هرب من بعد ما خرب المؤسسة الأمنية وخلاها جبانة ينعق
فيها البوم، يعني يا سي علي العريض، إنت راك موش مسؤول على الأعوان بركة،
وإنما مسؤول على عايلاتهم كذلك، يعني حتى من غير ما تطلب النقابات الأمنية،
كل مساعدة للأعوان تجي على إيديك، كل خير يجي على إيديك، كل مريض يلقى
فلوس دواه على إيديك، كل واحد يروح برطل لحم لأولادو على إيديك، كل واحد
يشري دبش العيد وإلا علوش العيد ويفرح صغارو على إيديك، باش يدعيلك هو
وزوجتو وأولادو بالخير، سيادتك باش يجي نهار وتمشي على روحك، كيما نحنا باش
يجي نهار ونمشيو على رواحنا وهذا هو حال الدنيا، باش تبقى الناس ترحم على
والديك سنوات وسنوات، آش خير للواحد من ناس ترحملو على والديه وتدعيلو
بالخير وهو غايب، تي حتى سيدنا محمد صلى الله عليه وسلم يقول " أعطوا
الأجير حقه قبل أن يجف عرقه "، وإنت راجل متدين وتعرف هذا أكثر منا،
الأمنيين يا سي علي ناس يراو بالخير ويعطيو كار العشرة، جرب مدلهم إيديك تو
تشوف بعينيك، إنت جرب ما تخسر شيء.
الموقع الرسمي للحماية المدنية التونسية
عدل سابقا من قبل مدير الموقع في الأحد 10 مارس 2013 - 7:36 عدل 1 مرات