¤¤حلويات العيد¤¤

أوشك شهر رمضان المعظم على النهاية و سنستقبل عيد الفطر بإذن الله

وفي هذه الآونة بدأت معظم العائلات التونسية بإعداد حلويات العيد

الحلويات العادية التي نعرفها جميعا
و الحلويات الجديدة التي تُوزّع في المناسبات التي تقام في العيد


لذلك إليكم هذا الموضوع الذي سنجمع فيه كلّ الحلويات اللذيذة
من البسكويت و الغريبة إلى البقلاوة و كعك الورقة

 
البشكوطو التونسي

المقادير

1 كلغ فارينة
5 عظمات
2 خميرة
2 فانيليا
سكر
1 حليب نستليه
1 كأس زيت
عطرشية
جلجلان

نحطو البيض و السكر حسب الذوق و السكر فانيليا و نخلطوهم حتى يذوب السكر
ثم نضيف الزيت و الحليب و نزيدو الخميرة و العطرشية و الجلجلان
و أخيرا نضيف الفارينة تدريجيا حتى نتحصل على عجينة متماسكة

نقسم العجينة كويرات و نضعها بالواحدة في الرحى متاع البسكويت

ثم نبعثوه للكوشة


[ندعوك للتسجيل في المنتدى أو التعريف بنفسك لمعاينة هذه الصورة]

غريبة الحمص

المقادير

250غ دقيق الحمص
80غ فارينة
100غ سكر ناعم
150غ زبدة
ملعقة كبيرة زيت نباتي

الطريقة

في إناء ضعي الزبدة على نار هادئة حتى تذوب

في وعاء عميق ضعي الفارينة و دقيق الحمص و السكر ثم أضيفي الزبدة الذائبة و اخلطي الكل ثم اعجني إلى أن تحصلي على عجينة ملساء و متماسكة

شكلي العجينة في شكل اسطوانة ذات قطر 1.5 صم ثم قطعيها قطعا متساوية ذات طول 5 صم كل واحدة
صففيها في طبق ثم ضعيها في الفرن درجة حرارته 130 درجة و اتركيها لمده تتراوح بين 15- 20 دقيقة

اتركيها تبرد قبل التقديم

[ندعوك للتسجيل في المنتدى أو التعريف بنفسك لمعاينة هذه الصورة]

 كعك الورقة

المقادير

كيلو دقيق
500غ زبدة
500غ لوز مطحون
150غ سكر ناعم
4 ملاعق كبار ماء ورد
2 كأس ماء
أقل من نصف ملعة صغيرة ملح


الطريقة


ينخل الدقيق مع الملح ثم يكدس في صينيّة وتجعل في وسطه حفرة.
تذاب الزبدة وتسكب في الحفرة ثم يعجن الدقيق بأطراف الأصابع وعندما تدمج فيه الزبدة يواصل العجن بكف اليد مع إظافة ما يكفي من الماء الدافئ شيئا فشيئا حتى نحصل على عجينة ملساء متجانسة متماسكة ثم تترك في كيس بلاستيك ترتاح


نأخذ اللوز المطحون مع السكر الناعم ونضيف له ماء الورد وحين يتجانس قوامه يفتل براحة اليد في سمك القلم العادي.
يغلى مقدار ماء في قدر.
تؤخذ قطع من العجينة وتغطس بضع ثواني في الماء المغلي ثم ترقق بالقلقال فوق طاوله مدهونة بالزيت بسمك لا يزيد عن 1مم.
تقص أثر ذلك الورقة بالسكين في شكل مستطيلات طولها 14 صم و7 صم عرضها.
يوضع أنذاك في وسط كل مستطيل قطعة من عجينة اللوز في نفس الطول ثم تلف حولها الورقة بإنتظام وتكيف الللفافة في شكل كعكة.
عندما تنتهي المقادير يطهى الكعك في فرن معتدل الحرارة حوالي 25 دقيقة

[ندعوك للتسجيل في المنتدى أو التعريف بنفسك لمعاينة هذه الصورة]

طريقة صنع البقلاوة لطبق 40صم * 40صم

الورقة:


2كلغ فارينة
ماء دافي
مغرفة أكل ملح
نصف كاس زيت

الحشو:


1.5كلغ لوز
نصف حكة طماطم (كبيرة) فارينة
نصف حكة طماطم(كبيرة) سكر محور
شوية ماء ورد


العسل:

2 كلغ سكر
2 كؤوس ماء
2مغرف قارص
2 مغارف ماء ورد


الورقة:

نغربل الفارينة و نزيدها الماء الدافي اي ذائب فيه الملح و نزيدها الزيت و نعجن مليح حتى تصبح العجينة متماسكة و رطبة نقسمها الى 16 قطعة متساوية
في كيس قماش نضع النشاء و نقفل الكيس
ناخذ غربال كبير و نقلبو و نغطي الشبكة بمنديل
نضرب الكيس متاع النشاء على الطاولة حتى يخرج النشاء ثم نضع فوقها قطعة عجين و نضرب فوقها الكيس متاع النشاء حتى يخرج شوية نشاء و نحل العجينة بالقلقال و انا كل مرة نضرب العجينة بكيس النشاء
عند الحصول على دائرة قطرها 25 صم نضعها فوق المنديل الي فوق الغربال و نغطيها بمنديل
نعيد نفس العملية بالنسبة لكل كرات العجين
بعد ما نكمل حلان الورقات نقلب الغربال بحيث اول ورقة حليناها هي من فوق و اخر ورقة من تحت
ندهن الطبق بالزيت
ندهن يدي بالزيت و بعد نضع الورقة فوق ظهر يدي و نبدا نجبد حتى تتحل الورقة و انا نحرك في يديي و الشخص المقابل يجبد معاية الورقة شوية و نرققها حتى تصبح شفافة مع محاولة عدم الثقب
ندهن يدي مرة اخرى بالزيت و ناخذ الورقة الي بعدها و نعاود نفس العملية
أترك ورقة منحلهاش فوق يدي و نثقب بطرف سكين الاوراق الي تحلو في الطبق باش يخرج الهواء
نخلط الحشو متاع اللوز و بعد نضعوه في الطبقة و نستويه جيدا باستعمال مسطرة
نغربل شوية سكر محور على الخليط و نرشو بماء الورد
نحل اخر ورقة على الخليط
نقص الداير بالطبق من عجين مع ترك 5 صم خارج الطبق
نغسل العجين بالماء حتى نتخلص من النشاء العالق و نزيدو شوية فارينة و نعجن مليح حتى الحصول على عجينة متماسكة
نقسمها الى 16 كرة
نحل الكرات بالقلقال و النشاء كيف المرة الاولى و نحطهم على الغربال مع وضع مناديل بينهم طبعا
نقلب الغربال حتى الحصول على اول ورقة من فوق
نحل الورقات فوق يدي مع دهن اليد بالزيت في كل مرة
اخر ورقة مندهنش يدي بالزيت
نقص الزايد من العجين

العسل:

نضع الكل في ايناء و نظيفلو الماء و نحرك ثم اضعه على نار هادئة جدا و نحرك و نغطيه مع ترك مكان صغير لخروج الدخان
عند ذوبان السكر ناخذ شوية في ملعقة و نتركو يبرد اذا تكور بين اصابعي دون ما يلصق
نزيدو القارص و ماء الورد
نزيدو 2 دق و نطفي النار
ناخذ الطبق و العسل و قارورة صغيرة زيت زيتونة للكوشة
بالشفاء